Plakat for Telemarksfestivalen 2022.

Velkommen til Telemarkfestivalen 2022!🎻

10. – 14.august 2022

Fy fela som me har gleda kånn til Telemarkfestivalen 2022!🤩

– ein festival som endeleg vil vere heilt fri for alle smittevernreglar og restriksjonar! No kan me endeleg fokusere på det me skal gjere – nemleg å skipe til ein fantastisk festival med mykje flott folkemusikk, folkedans, klemming og generelt god stemning!

Telemarkfestivalen har stor tru på den samlande krafta i musikken, og ønskjer alle velkomen til ein festival litt utanom det vanlege – ein festival med mangfaldig og livskraftig folkemusikk. Velkomen!🤗

Kjøp dine billetter her
Onsdag 10.august🌺
90 uforgløymelege minuttar med Bjørn Tomren

Kl.19:00 – Storsalen, Gullbring

Bjørn Tomren promobilde.

Hausten 2021 imponerte Bjørn Tomren heile Noreg som den mest særeigne artisten i den populære NRK-serien «Stjernekamp». Med eit unikt uttrykk og ei eineståande formidlingsevne blei Tomren omtala som den kulaste artisten i Stjernekamp gjennom tidene.

Artisten, låtskrivaren og komikaren frå Tomrefjorden er også kjent frå den notoriske jodle- og trekkspelduoen Polkabjørn & Kleine Heine som trimma lattermusklane til publikum på Telemarkfestivalen i 2017 i nesten tre timar! Som ein av landets mest allsidige musikarar spenner Tomren si musikalske rekkjevidde frå americana og religiøse folketonar til jazz, viser, jodling, strupesang, dialekt-punk og psykedelisk protestmusikk.

Har du 90 minuttar til overs, så er dette definitivt ein av dei betre måtane å bruke dei på!

Torsdag 11.august🌹
Gygrene: Draum

Kl.19:00 – Storsalen, Gullbring

«Eit nytt og spennande møte med Ljose-Signe, Glima og Tåran i Tråppin»

«Draum» er ei ny dramatisk sceneframsyning basert på diktsyklusen med same namn av Sigurd Nes (1846–1915) og dei tre komposisjonane for hardingfele av Torkjell Haugerud (1876–1954).

Legenda fortel at Olav Digre (Olav den heilage) var i Seljord og fekk bygd ei kyrkje, og lyste dei tre gygrene i bann så dei blei til stein. I denne framsyninga møter me Tårån i Tråppin i Skorve, Glima i Rupedalan på Mælefjell og Ljose-Signe i Bindingsnuten når dei vaknar opp etter ein 800 år lang svevn, og dei undrar seg over alt som har hendt og alle endringane dei ser.

 

Norsk Kvedarforum – 20 år: Jubileumskonsert

Kl.21:00 – Framstugo, Gullbring

Norsk Kvedarforum markerer sitt 20-årsjubileum med ein eigen festkonsert med nokre av landets dyktigaste kvedarar. Konserten vil ta for seg foreininga si historie og den viktige rolla dei har hatt for å fremje den vokale folkemusikken over heile landet.

 

Festivalkviss med Torgeir

Kl.20:00 – Bull Inn

I samarbeid med Bull Inn er me glade for å kunne invitere til ein akkurat passe vanskeleg festivalkviss. Kvissmester vil vere Torgeir Gullbekk Hansen, og spørsmåla vil som vanleg vere ei fin blanding av musikkrelaterte spørsmål – og heilt andre tema!

Det blir ein fin premie til vinnarlaget!

Fredag 12.august🌻
Lars-Ingar Meyer Fjeld og Alf Tveit: «Venås-felene»

Kl.16:00 – Framstugo, Gullbring

I denne konserten vil felespelarane Lars-Ingar Meyer Fjeld og Alf Tveit møtast til prat og spel, med Olav K. Venås og felene hans som tema!

 

UngFolk

Kl.17:30 – Framstugo, Gullbring

UngFolk kjem til Telemarkfestivalen med høge spark og spente bogar! UngFolk er eit sommarkurs for born og unge mellom 8 og 20 år. Denne konserten markerer avsluttinga på ei flott kursveke der deltakarane viser fram noko av det dei har lært.

 

Opningskonserten

Kl.19:00 – Storsalen, Gullbring

Promoteringsbilde opningskonserten 2022.

Opningskonserten vil gi publikum nokre smakebitar frå den deilege musikalske konfekteska som årets festivalprogram er.

 

Annbjørg Lien og Catriona MacDonald med vener

Kl.22 – Storsalen, Gullbring

Promoteringsbilde Annbjørg Lien og Catriona MacDonald.

Historisk har både den kulturelle og musikalske lenka mellom Norge og Shetland vore sterk. I denne konserten vil Lien og Macdonald – i lag med eit knippe briljante musikarvener – syne fram desse lenkene gjennom både tradisjonelt og nykomponert materiale.

 

Tingingsverket: «Draumnjorun»

Kl.23:30 – Galleri Stadskleiv, Gullbring

Promoteringsbilde Draumnjorun.

«Draumnjorun», eller draumhesten, er dvergane sitt navn på natta i Alvíssmál. Med skeive tonar og takter lokkar musikarane Kenneth Lien og Jørgen «Center of the Universe» Skjulstad og dansekunstnarane Sigyn Åsa Sætereng og Hallgrim Hansegård fram stemninger og rytmer i seine nattetimer. Og om du blir dansesugen sjølv, blir det høve til å kaste seg utpå golvet med dei
rørslene du har.

Lørdag 13.august🌷
Torgfestivalen – En festival i festivalen

Kl.11-16:00 – Bø torg

Promoteringsbilde Torgfestivalen.

Me vil invitere alle born, unge, unge vaksne, vaksne og eldre vaksne til å delta på Torgfestivalen – ein festival i festivalen! Telemarkfestivalen sin eigen torgdag har blitt svært populær! Me gledar kånn til yrande folkeliv på torget med flotte gratiskonsertar, dans, spennande marknad og artige aktivitetar for store og små!

Mattis Kleppen  + Thov Wetterhus

Kl.14:00 – Konsertlåven i Nordbøvegen

Promoteringsbilde for Kleppen og Wetterhus.

Thov Wetterhus frå Nore i Numedal har vunne landskappleiken på munnharpe ikkje mindre enn seks gonger sidan 2007! Det energiske og eggande spelet til numedølen har blitt ein favoritt blant både publikum, dansarar og dommarar dei seinaste åra. Mattis Kleppen frå Bø har patentert og perfeksjonert slåttespel på akustisk bass. Den nye konsertlåven i Bø oser av sjarm og vil gi fine rammer for det som blir ein spennande dobbeltkonsert med ny musikk frå Mattis Kleppen og Thov Wetterhus. Kanskje finn dei òg på noko sprell i lag?
Obs! Det er ikkje plass til mange bilar her, så kom gjerne gåande eller syklande!

 

Gjertruds sigøynerorkester og Helge Jordal

Kl.16:00 – Storsalen, Gullbring

Promoteringsbilde Sigøynerkonserten.

Det vert ein potpurri av sigøynar-musikk, korsong og generelt god stemning når Gjertruds Sigøynerorkester – forsterka med skodespelar Helge Jordal, Akantus og Skien operakor – kjem til Telemarkfestivalen med det som garantert kjem til å bli ei fantastisk konsertoppleving!

 

Frida Ånnevik

Kl.19:00 – Gullbring Amfi

Promoteringsbilde Frida Ånnevik.

Det er mange som har spurd, og endeleg kjem ho til Bø og Telemarkfestivalen! Hausten 2020 feira Frida Ånnevik 10 år som artist, utøvande musikar og låtskrivar. Det er blitt fem eigne plater, mange konsertar, deltaking i «Hver gang vi møtes» på TV2, fine samarbeid, og nokre uventa svingar.

Etter mange konsertar gjennom dei siste to åra spelar Frida Ånnevik berre eit knippe utvalde festivalar denne sommaren. Me er sjølvsagt glade for at Telemarkfestivalen er ein av dei! Frida og bandet tar publikum med inn i ei verd med sterk musikalsk nerve, og framfører låtar frå heile karrieren til Frida!

Oppvarming: Symre

Daniel Norgren

Kl. 22:00 – Gullbring Amfi

Promoteringsbilde Daniel Norgren.

Primitivt, rått og ekte!
Den primitive, rå og ekte krafta til Daniel Norgrens musikk har ført han på utselde turnéar over heile Europa og i USA. No er turen komen til Bø i Telemark – som ein av svært få konsertar i Noreg denne sommaren!

Sliteneliten

Kl.00:00 – Framstugo, Gullbring

Promoteringsbilde Sliteneliten.
Korleis kan ein endre verda?
Ein kan til dømes rigge opp trommesettet, stemme gitarane, bassen, tverrfløyta og fela, reinske stemmen, og gaule ut på det venaste vossamål om korleis vi burde samlast, alle vi som ikkje er aksjemilliardærar eller er fødde inn i maktposisjonar, og saman endre alt til noko betre. Heile tre av seks i bandet har no opp til fleire studiepoeng i folkemusikk, og har lært at ein ikkje berre
kan kome her og kome her og påstå at ein speler folkemusikk. Men no er dei jammen inviterte til å spele på Telemarkfestivalen – er dette å kome inn i varmen?

 

Søndag 14.august🌼
Familiedag på Evju Bygdetun

Kl.12-14:00, Evju Bygdetun

Dans i tunet på Evju Bygdetun

Spel, dans og moro på Evju!
Evju bygdetun er ein historisk gard med verna kulturlandskap på Sætersbø mellom Bø og Gvarv. Evju er såleis eit unikt utgangspunkt for å formidle lokal og regional kulturarv i Telemark – og ein naturleg samarbeidspartnar for Telemarkfestivalen. I lag vil me ønskje velkomen til ein hyggeleg familiedag på Evju bygdetun med musikk, dans, artige aktivitetar og god mat og drikke.

 

Borgjakonserten: «Bøheringsspelet»

Kl.15:00 – Storsalen, Gullbring

Boka i konsertformat!

Ideen bak Borgjakonserten på Telemarkfestivalen 2022 er å presentere «Bøheringsspelet» i eit konsertformat. Gjennom samtale med forfattar Asbjørn Storesund skal vi reise attende til 1700-talet og tidlege musikalske impulsar, frå tradisjonen på Heia via sentrale spelemenn som til dømes Myllarguten og Flatland-spelemennene, Lars Fykerud, Gunnulf Borgen, Kristiane Lund og Anund Roheim, fram til reisa sluttar om lag 1980.

Filmsalongen: «Til stede»

Kl.17:00, Bø Kino – Gullbring

I 2021 presentererte Telemarkfestivalen og Evju bygdetun eit nytt konsept i lag: «Evju Sessions» – der to utøvarar budde på Evju bygdetun for å lage ny musikk i lag. Første par ut var spelkvinne Johanna Seim og vokalisten Marianna Sangita.  Johanna og Marianna sitt samarbeid blei dokumentert med kamera, og no er folkemusikkdokumentaren «Til stede» klar for premierevising.
Etter filmvisinga blir det panelsamtale om filmen med regissør og produsent Johanna Seim med fleire som vil gå nærare inn på tematikken i filmen.

 

Festivaldans💃

I år byr Telemarkfestivalen igjen opp til dans! De ordner musikken; alt du trenger er dansesko, en partner og godt humør.

Festivaldans #1

Framstugo, torsdag 11. august, ca kl 22:30
Etter Norsk kvedarforum sin jubileumskonsert må me sjølvsagt danse! Dansen er gratis!

Festivaldans #2

Framstugo, fredag 12. august, ca kl 21:00
Etter Opningskonserten inviterer me til dans i Framstugo med Torgeir Straand som dansespel-maestro! Dansen er gratis for alle med billett til anna aktuelt fredagsprogram, men kostar 155 kr for alle andre!

Festivaldans #3

Bø torg, laurdag 13. august, ca kl 14:00
Roheim-paraden køyrer i Bøgata kl 13:00, og etter paraden speler Spelemannslaget Bøheringen opp til dans på torget. Dansen er gratis!

Festivaldans #4

Galleri Stadskleiv, laurdag 13. august, ca kl 18:00
Me varmar opp til laurdagskvelden med dans i Galleri Stadskleiv. Dansen er gratis for alle med billett til anna aktuelt laurdagsprogram, men kostar 155 kr for alle
andre.

Festivaldans #5

Evju bygdetun, sundag 14. august, ca kl 13:00
Sundagsdans på Evju bygdetun med oppvising frå Nes nasjonale dansarring og open dans etterpå! Dansen er gratis!

 

Velkommen til Telemarkfestivalen 2022!