Telemarkfestivalen 2023 – Fy fela for ein festival!

Fy fela som me gledar kånn til Telemarkfestivalen 2023!

Me gledar kånn til eit mangfaldig og godt program med mykje flott lokal, nasjonal og internasjonal folkemusikk! Me gledar kånn til to spennande tingingsverk på Bøhaugen, me gledar gånn til ein råtøff fredagskveld på Kroa i Bø, me gledar kånn til yrande folkeliv på Torgfestivalen, me gledar kånn til laurdagsmoro i Gullbring Amfi, me gledar kånn til ein flott familiedag og Borgjakonsert på Evju bygdetun – me gledar kånn rett og slett til å skipe til ein fantastisk festival med mange unike og magiske augneblinkar!

Telemarkfestivalen har eit mål om å alltid balansere ivaretaking og nyskaping og trur at det tradisjonelle og det moderne er gjensidig avhengige av kvarandre. «Å ta vare på er å ta i bruk» som Knut Buen pleier å seie. Årets to tingingsverk «Som lindi bere lauv» og «Songhus» er gode døme på dette. Her ligg tradisjonell folkemusikk som eit fundament for nye folketonar som driv folkemusikken vidare.

På Telemarkfestivalen lovar me eit alltid like spennande møte mellom no og då; mellom fortid og framtid, fordi me trur at tradisjonen skal både nyttast og brukast. Folkemusikk kjem frå ein stad og skal ein plass som ingen helt veit, men på vegen dit skjer det fantastiske ting – til dømes på Telemarkfestivalen.

Torsdag 10. august

Kl 19:00: Anders Hefre og Johanne Flottorp framfører tingingsverket «Som lindi bere lauv» i lag med eit spennande ensemble med lokale musikarar i Bø kyrkje. Tingingsverket tar føre seg alt eit musikalsk menneskeliv kan innehalde: Byssande bånsullar i byrjinga, rask springartakt om våren, seige gangarsteg i kveldinga og ettertenksam valsing før alt er over.

Frå kl 20:00: På Bull Inn vert som vanlig ein akkurat passe vanskeleg festivalkviss med Torgeir Gullbekk Hansen som kvissmeister etterfølgd av konsert med den skotske felespelaren Rose Logan og den norske gitaristen Magnus Wiik som framfører livlege reels og jigs i lag.

Kl 21:00: Anne Hytta frå Noreg og Caoimhín Ó Raghallaigh frå Irland framfører tingingsverket «Songhus» i lag med musikarane Dan Trueman og Jo Fougner Skaansar i Bø gamle kyrkje. Det er sterke band mellom den norske og den irske folkemusikktradisjonen, og her vil publikum få oppleve eit unikt møte mellom to sterke folkemusikktradisjonar og to unike utøvarar.

Fredag 11. august

Kl 16:00: Felespelaren Per Anders Buen Garnås og poeten Stein Versto møtast i det nye konsertprogrammet «Tuntreet» i Nye Sjodar på Evju bygdetun.

Kl 17:30: Deltakarar frå sommarkurset UngFolk viser seg fram med eiga framsyning i Framstugo i Gullbring kulturhus.

Kl 19:00: Den tradisjonelle Opningskonserten er ein musikalsk konfekteske med spennande og mangfaldige innslag frå festivalprogrammet. I årets opningskonsert vil me møte poeten Stein Versto og spelemann Per Anders Buen Garnås, me vil møte gruppa Yagody med flotte, fleirstemde folketonar frå Ukraina, me vil møte dei plateaktuelle gutane i Hått sa’ru? som på klingande bøhering framfører morosame viser om både «måsabjønner» og «berullar», me vil møte gjengen i Folkemusikk fordjuping som byr på nydeleg song, energisk dans og flott spel, me vil møte Spellemannpris-vinnar Ingrid Jasmin som står for ei unik blanding av norsk og meir sydlandsk folkemusikk, me vil møte Ottar Kåsa og høyre korleis hans nyaste kreasjon – ein hardingcello – let, me vil møte gitarist Magnus Wiik og felespelar Rose Logan med livlege reels og jigs frå Skottland – og sist, men absolutt ikkje minst; me vil møte Spelemannslaget Bøheringen og Bø Dansarring som avsluttar kalaset og spelar publikum ut til dans i Framstugo!

Skodespelar og bøhering Bjørn Hallgeir Myrene vil formelt opne årets festival, medan Aasmund Nordstoga vil leie oss gjennom konserten med stødig hand!

Kl 21:00: Etter Opningskonserten vert det heit dansekonsert med gruppa Hått beståande av Per Anders Buen Garnås, Anders Erik Røine og Nils Øyvind Bergset. Festivaldansen held fram utover kvelden med spel frå dei beste dansespelarane me har.

Kl 21:00 – 01:30: Spennande konsertkveld på Kroa i Bø med det som kjem til å bli tre fantastiske konsertar med Spellemann-vinnar Ingrid Jasmin med eit heilt formidabelt ensemble i ryggen, superbandet Resjemheia+++ med enda meir bensinlukt og trykk på pedalen enn før – og det spennande nye bandet MÍO som kan omtalast som Gåte sin meir hissige litlesyster.

Laurdag 12. august

Kl 11:00 – 16:30: Me vil invitere til Torgfestivalen – ein festival i festivalen som har blitt svært populær! Det vil som vanleg bli ein flott dag på Bø torg med gratiskonsertar, marknad, kulturdebatt og artige aktivitetar for store og små! Som ein del av Torgfestivalen vert det familiekonsert og plateslepp med dialektbandet Jypling i Evjudalen.

Kl 16:00: Konsertlåven heime hjå ekteparet Torgeir Hefre og Gyrid Kvaale vart innvia som ny konsertarena under fjorårets festival med stor suksess. I år er det Sudan Dudan kvartett og kvedaren Synnøve Brøndbo Plassen som skal fylle låven med dei vakraste tonar.

Kl 19:00 – 01:00: Laurdagskveld og god stemning i Gullbring Amfi med konsertar med Bø-bandet Ni Liv som feirar 20 år som lyden av Midt-Telemark med jubileumskonsert med overraskingar frå scena. Frå Ukraina kjem gruppa Yagody med festmusikk og fleirstemd song. Kvelden avsluttast med fenomenet Steve’n’Seagulls som reiser verda rundt med sine uimotståelege blågras-tolkingar av kjende rockelåtar.

Sundag 14. august

Kl 12:00 – 15:00: Telemarkfestivalen og Evju bygdetun ønskjer velkomen til ein hyggeleg familiedag på Evju bygdetun med musikk, kurs, dans, artige aktivitetar og god mat og drikke.

Kl 15:00: Den tradisjonsrike Borgjakonserten er i år gitt til Anne Hytta og Johanne Flottorp. Anne Hytta vil ha med seg Løndals-spelet frå Tuddal i botnen, medan Johanne Flottorp har med seg Tovdals-tradisjonen etter Salve Austenå. Borgjakonserten vil finne stad i Nye Sjodar på Evju bygdetun.